Zer da ABE
Animalien Bitartezko Esku-hartzeen helburu nagusia, animalien partaidetzaren bidez, gizakien osasuna eta ongizatea erraztea eta sustatzea da.
Onurak:
- Maila fisikoan: tonu muskularra handitzen du eta tentsio arteriala hobetzen txakurrarekin egindako ariketei esker. Mugitzeko trebetasun mehe eta lodia hobetzen ditu.
- Maila psikologiko eta emozionaean: antsietatea eta estresa gutxitzen ditu, gogo eta aldartea hobetzen du, baita motibazioa, grina eta autoestimua ere. Emozioak era librean adierazten laguntzen du.
- Maila sozialean: txakurra beste pertsona batzuekin komunikatzeko bide bihurtzen da, eta elkarrizketa suspertzen du. Animaliak efektu sozializatzailea du.
- Maila kognitiboan: memoria, arrazoibidea eta orientazioa hobetzen du.
- Zentzumen mailan: propiozepzioa handitzen laguntzen du, sistema bestibularra lantzen eta zentzumenen garapena errazten du.
Helburu terapeutikoak hobeto eta bizkorrago lortzen utziko duen beharrezko estimulua emateko asmoz, terapiako txakurra berariaz entrenatutako animalia bat da, terapiako edo hezkuntzako programa baten barnean pertsona profesionalaren zerbitzurako tresna gisa integratzea.
Txakurraren hezkuntza aurreratuari esker, ariketa konplexuak egin daitezke eta pertsona erabiltzailearen arreta nabarmen erakar daiteke, esperientzia horrekiko bere kontzentrazio mailari eta jarrera positiboari eutsiz.
Txakurra errespetatuz egiten dugu lan beti eta, horretarako, hezkuntza positiboan oinarritzen gara, hau da, metodo horrekin animaliarekin interakzioa sortzen da errefortzu positiboaren bidez, zigorra inoiz erabili gabe.
Zerbitzuak
LAUANKA elkarteak txakurren bitartezko ekintza, hezkuntza eta terapiak egiten ditu biztanle edo pertsona hartzailearen eta lortu nahi diren helburuen arabera, pertsonen bizi kalitatea hobetzeko asmoz. Taldeka edo banaka egiten dugu lan.
Pertsona edo kolektibo hartzaileak
- Adineko pertsonak
- Desgaitasun fisiko, psikiko, intelektuak edo zentzumenezkoa duten pertsonak
- Gizarte bazterkeriako arrisku egoeran dauden pertsonak
- Txakurrei fobia dieten pertsonak
- Osasun mentala
- …
Baita beste kolektibo batzuk ere, esaterako: haurtzaindegiak, ikastetxeak, ludotekak,kabinete psikopedagogikoak, aisiako eta astialdiko taldeak, elkarteak edo edozein familia edo pertsona partikular.
